hazoor e yaar men harf iltija kay rakhay thay...

hazoor e yaar men harf iltija kay rakhay thay
chiragh saamnay jesay hawa kay rakhay thay

bus ik ashk e nadaamat nay saaf kar daalay
woh sab hisaab jo hum nay utha rakhay thay

samoom e waqt nay lehjay ko zakhm zakhm kiya
wagarna hum nay qareenay saba kay rakhay thay

tumhi nay paaon na rakha wagarna wasl ki shab
zameen pay hum nay sitaray bichha kay rakhay thay...!

bikhar rahay thay so hum nay utha liay khud he
gulab jo teri khatir saja kay rakhay thay

hawa kay pehlay he jhonkay say haar maan gaey
whi chiragh jo hum nay bacha kay rakhay thay

mita saki na unhain roz o shab ki barish bhi
dilon men naqsh jo rang e hina kay rakhay thay

hasool e manzil e duniya kuch aisa kaam na tha
magar jo raah men pathar ana kay rakhay thay...!

Yaarab Koi Bhej de....

Yaarab Koi Bhej de Sooraj ka Saibaan !!!
Baadal ki Ankh Hey Merey Kachey Makan Per,

Na tha kuch to Khuda tha...

Last Ghazal of Ahmed Faraz....

Iqbal's Poetry...

Allama Iqbal...!!

ab ke ham bichhdee to shaayad kabhii Khvaabon mein milen

ab ke ham bichha.De to shaayad kabhii Khvaabo.n me.n mile.n 
jis tarah suukhe hue phuul kitaabo.n me.n mile.n

Dhuu.NDh uja.De hue logo.n me.n vafaa ke motii 
ye Khazaane tujhe mumkin hai Kharaabo.n me.n mile.n 

tuu Khudaa hai na meraa ishq farishto.n jaisaa 
dono.n insaa.N hai.n to kyo.n itane hijaabo.n me.n mile.n 

Gam-e-duniyaa bhii Gam-e-yaar me.n shaamil kar lo 
nashaa ba.Dataa hai sharabe.n jo sharaabo.n me.n mile.n 

aaj ham daar pe khe.nche gaye jin baato.n par 
kyaa ajab kal vo zamaane ko nisaabo.n me.n mile.n 

ab na vo mai.n huu.N na tu hai na vo maazii hai `Faraaz',
jaise do shaKhs tamannaa ke saraabo.n me.m mile.n 

Le jayen gay gehrayi mein tum ko bhi baha kar

Le jayen gay gehrayi mein tum ko bhi baha kar
darya ke kanaron se mera zikar na karna……

Tu Mujhe Soch Kabhi

MuJe TuM NazaR Sai GiRa To Rahee Ho

kaha tha na (muhabbat poetry.wmv

Aise bhi muhabbat ki saza deti hai duniya ( Shayari ) Great Lines

Beautiful Urdu Designed Poetry Video

Ahmed Faraz "Jis simt bhi dekhun.."

Urdu Nice Poetry

Suna Hai Log Usay - Ahmad Faraz - Urdu Hindi Ghazal Poetry

Classical Poetry of Evergreen Poets: Na tha kuch to kia tha, Kuch na hota to khuda hota...

Classical Poetry of Evergreen Poets: Na tha kuch to kia tha, Kuch na hota to khuda hota...: "Na tha kuch to Khuda tha, kuch na hota to Khuda hota duboya mujh ko hone ne, na hota main to kya hota hua jab gam se yun behis to g..."

Na tha kuch to kia tha, Kuch na hota to khuda hota

Na tha kuch to Khuda tha, kuch na hota to Khuda hota
duboya mujh ko hone ne, na hota main to kya hota


hua jab gam se yun behis to gam kya sar k katne ka
na hota gar juda tan se to zannon par dhara hota


hui muddat k 'Ghalib' mar gaya par yad ata hai
wo har ek bat pe kahna k yun hota to kya hota

Ranjish hi sahi dil hi dukhane ke liye aa... By Faraz

Ranjish hi sahi dil hi dukhane ke liye a
a phir se mujhe choor ke jane ke liye a


pahale se marasim na sahi phir bhi kabhi to
rasm-o-rahe duniya hi nibhane ke liye a


kis kis ko batayen ge judai ka sabab ham
tu mujh se Khafa hai to zamane ke liye a


kuchh to mere pindar-e-muhabbat ka bharam rakh
tu bhi to kabhi mujh ko manane ke liye a


ek umr se hoon lazzat-e-giriya se bhi maharum
ai rahat-e-jan mujh ko rulane ke liye a


ab tak dil-e-Khush faham ko tujh se hain ummidain
ye aKhiri shamain bhi bujhane ke liye a


mana ki muhabbat ka chupana bhi hai muhabbat
chupke se kisi roz yeh jatane ke liye a


jaise tujhe ate hain na ane ke bahane
aise hi kisi roz na jane ke liye a

Ab Ke Han Bichre To Shayad Khuwaabon main milen By Faraz

Ab ke ham bichhare to shaayad kabhii Khvaabon main milain
jis tarah suukhe hue phuul kitaabon main milain


na dhondh ujare hue logon main vafaa ke motii
ye Khazaane tujhe mumkin hai Kharaabon main milain


tuu Khudaa hai na meraa ishq farishton jaisaa
donon insaan hain to kyon itane hijaabon main milain


Gam-e-duniyaa bhii Gam-e-yaar main shaamil kar lo
nashaa barataa hai sharabain jo sharaabon main milain


aaj ham daar pe khainche gaye jin baaton par
kyaa ajab kal wo zamaane ko nisaabon main milain


ab na wo main hon na tu hai na wo maazii hai `Faraaz'
jaise do shaKhs tamannaa ke saraabon main milain

   

Sitaron Se age Jahan aur bhi Hain By Iqbal

sitaron se age jahan aur bhi hain
abhi ishq k imtihan aur bhi hain


tahi zindagi se nahin ye fazayen
yahan saikaron karawan aur bhi hain


kanat na kar alam-e-rang-o-bu par
chaman aur bhi, ashiyan aur bhi hain


agar kho gaya ek nasheman to kya gam
maqamat-e-ah-o-fugan aur bhi hain


tu shahin hai parwaz hai kam tera
tere samne asman aur bhi hain


isi roz-o-shab mein ulajh kar na rah ja
k tere zamin-o-makan aur bhi hain


gae din k tanha tha main anjuman mein
yahan ab mere razadan aur bhi hain

   

Jurme Ulfat Main Log Hamein Saza Dete Hain

Jurme ulfat mein log hamein saza detey hain

kitne nadan hain sholon ko hawa dete hain

kaise mumkin hay dil bhi jale aur duhwan na ho

chot parti hai to pathar bhi sada dete hain

aap se to guzra hai waqt do ghari ka

log to sadion ki muhabbat ko bhula dete hain

bas jahan bhi raho sada khush raho

hum tum ko yeho "DUA" dete hain

kon yaad rakhta hy kisi ko bichar jane k baad

ghar ki dehlees chortey hi apne bhi bhula dete hain.

Tere Ishq Ki Intaha Chahta Hun By Allama Iqbal

tere ishq ki intaha chahta hun
meri sadgi dekh kya chahta hun


sitam ho k ho wada-e-behijabi
koi bat sabr-azma chahta hun


ye jannat mubarak rahe zahidon ko
k main ap ka samna chahta hun


koi dam ka mehman hun ai ahl-e-mahfil
chirag-e-sahar hun, bujha chahta hun


bhari bazm mein raz ki bat kah di
bara be-adab hun, saza chahta hun

   

Tere hote hue mahfil main jalte hain chirag By Faraz

tere hote hue mahfil main jalte hain chirag
log kya sada hain suraj ko dikhate hain chirag


apni mahrumiyo pe sharminda hain
Khud nahi rakhte to auro k bujhate hain chirag


bastiyan chand sitaro pe basane vale
kurra-e-arz bujhate jate hain chirag


kya Khabar hai un ko k daman bhi bharak uthte hain
jo zamane ki havaon se bachte hain chirag


aisi tarikiyan ankho main basi hain 'Faraz'
rat to rat ham din ko jalate hain chirag